Tras quedar cega, Lorena aprendeu a pintar con fíos e converteuno no seu xeito de vida

Transformar a adversidade en oportunidade.

Iso é o que fixo unha veciña de Allariz, Lorena Quintas, de 36 anos, que tras quedar cega por unha enfermidade, aprendeu a pintar con fíos. 

Grazas ao tacto e a habilidade das mans crea auténticas obras de arte.

O éxito dos seus cadros levouna a pór en marcha o proxecto Xogo de fíos, a través da rede, e este mesmo mes abrirá unha tenda física na aldea de Outeiro de Laxe, onde vive.

Un traballo artesanal que combina con obradoiros e charlas para lembrarlle á sociedade que a diversidade funcional non ten por que ser unha barreira.