Tres persoas quedan feridas no incendio dunha pastelería en Riotorto

Tres persoas quedaron feridas no incendio dunha pastelería de Riotorto. As lapas provocaron danos materiais no baixo e nos andares superiores do edificio.

O 112 recibiu o primeiro aviso ás dúas da madrugada: unha confeitería da praza das Rodrigas estaba ardendo e sospeitaban que había xente no interior. Os servizos de urxencia conseguiron rescatar unha nai, a filla e unha empregada, que foron evacuadas polo equipo médico.

O fume e as altas temperaturas danaron o establecemento e os dous pisos superiores. Agora, investigan a orixe do lume pero sospeitan que podería estar nunha cociña eléctrica.

Cando chegaron os bombeiros de Barreiros o incendio xa estaba sufocado grazas á intervención dun dos implicados que usou unha mangueira.