Un ano de cadea para un veciño de Viveiro por distribuír pornografía infantil
O procesado admitiu os feitos e di que enviou por erro unha mensaxe de WhatsApp a un dos seus contactos cun vídeo en que se vía unha menor espida
O receptor do vídeo denunciou os feitos na comisaría
Condenado a un ano de prisión un veciño de Viveiro por distribución de pornografía infantil. A fiscalía pedía catro anos de cadea, pero houbo acordo de conformidade coa defensa. Houbo unha substancial redución de pena a cambio de que o procesado recoñecese os feitos, que se remontan ao 2021.
O acusado enviou, supostamente por erro, un WhatsApp a un dos seus contactos cun vídeo que amosaba unha menor duns doce anos espida. O receptor da mensaxe denunciou os feitos ante a Policía Nacional.
No vídeo víase unha nena duns 12 anos masturbándose, pero sen que se recoñecese o seu rostro. No rexistro posterior do teléfono do home atopáronse outros tres vídeos tamén de contido pedófilo, con menores espidos mantendo relacións sexuais explícitas.
