Un avión militar aterra en Níxer para traer a España os civís que queiran volver
Un avión militar aterra en Níxer para traer a España os civís que queiran volver
As novas autoridades nixerianas permitiron finalmente a entrada no seu territorio ao avión da Forza Aérea
![](https://img-g24-crtvg.flumotion.com/prog24/2023/20230804/EspanolesNixer.png)
Un avión A330 do Exército do Aire aterrou esta mañá no aeroporto internacional de Niamey para traer a España aos cidadáns que queiran abandonar Níxer, segundo confirmou o Ministerio de Defensa.
As novas autoridades nixerianas permitiron finalmente a entrada no seu territorio ao avión da Forza Aérea para evacuar aos españois atrapados en Níxer, onde queda medio cento de nacionais que residen ou se atopaban viaxando polo país africano.
Este xoves chegaron vinte a París a bordo dun avión fretado polo Goberno francés para extraer aos cidadáns europeos atrapados polas revoltas.
Tras a saída dese avión, o Goberno francés deu por concluída a operación posta en marcha o martes para evacuar aos civís que o desexasen de Níxer, tras sacar do país africano a un total de 1.079 persoas, a maioría franceses, pero tamén doutras nacionalidades, como española, colombiana, brasileira, portuguesa ou estadounidense.