Un bolso feito en Ribadeo gaña o Antón Fraguas de Artesanía na modalidade contemporánea

Un bolso realizado no estudo Raíces Nómadas de Ribadeo resultou gañador do Premio Antón Fraguas de Artesanía, que concede a Deputación da Coruña.

En concreto na modalidade contemporánea, dado o carácter innovador da peza, que está inspirada nunha nasa. A súa autoría corresponde a un creador arxentino asentado nesta vila.

Ezequiel Franchi Gil, artesán: "Paseando polos portos, vimos este artiluxio e empezamos a indagar como estaban feito. Logo reinterpretámolo coa nosa linguaxe, que é da pel".

Coma o bolso premiado, a maioría das pezas que saen deste taller son únicas. A estes produtos personalizados adoitan dedicarlles unhas 50 horas de traballo.

Ezequiel Franchi Gil, artesán: "Unha vez definidos o tamaño, a forma, a cor e todos os detalles, a produción leva entre 40 e 60 horas, e faise mediante as técnicas de macramé, o trenzado crioulo e a marroquinería fina".

Outro bolso da mesma firma, chamado Crioulo, foi finalista hai dous anos nos premios Artesanía de Galicia.

Franchi e Guaglianone, de Raíces Nómadas, colaboran cun escultor na firma Piquer Mir