Un camión tirou catro postes de telefonía en Láncara ao arrastrar un cable solto
Un camión tirou catro postes de telefonía en Láncara ao arrastrar un cable solto
O último caeu nunha horta á beira dunha casa, a 200 metros de distancia da pista
Os veciños levaban meses advertindo do perigo a compañía telefónica e as autoridades
Ata catro postes de telefonía permanecen tirados en Bande, no concello de Láncara. O primeiro deles levaba tempo inclinado e acabou de caer de todo debido ás treboadas. Os outros tres foron arrincados, un tras outro, cando un camión arrastrou un cable que quedara solto.
O último dos postes caeu sobre a horta dunha casa, a 200 metros de distancia. Na mesma vivenda, o cable provocou danos no lousado do pendello, onde agora entra a auga.
Os afectados sinalan que botaron meses advertindo a compañía telefónica e mais as autoridades do perigo que supoñía o poste que estaba medio caído. Así e todo, aseguran que ninguén acudiu para solucionar un problema que agora non fixo máis que empeorar.
Segundo os veciños desta parroquia lancará, a liña de telefonía afectada levaba anos sen mantemento de ningún tipo.
