Un cento de detidos e máis de cento cincuenta investigados pola presunta comisión de estafas bancarias
Un cento de detidos e máis de cento cincuenta investigados pola presunta comisión de estafas bancarias
Un cento de detidos e máis de cento cincuenta investigados pola presunta comisión de estafas bancarias
A maioría son mozos de 18 a 25 anos residentes en 39 provincias españolas
Só na provincia de Málaga foron estafados preto de 1,2 millóns de euros ás vítimas
Os delincuentes suplantaban o número de teléfono das entidades bancarias para accederen ás contas dos usuarios
![](https://img-g24-crtvg.flumotion.com/prog24/2024/20240723/DETIDOSESTAFASBANCARIAS23XULLO.png)
A Garda Civil desarticulou unha organización criminal dedicada á comisión de estafas bancarias coa detención de 100 persoas e outras 151 investigadas, a maioría delas mozos de entre 18 e 25 anos e residentes en 39 provincias españolas.
Actuaban suplantando as entidades bancarias das vítimas para conseguir estafalas. Só na provincia de Málaga foron estafados preto de 1,2 millóns de euros ás vítimas, informou o instituto armado nun comunicado.
En Barcelona, a operación concluíu con 79 detidos e 46 investigados. No caso de Madrid, os investigadores detiveron un total de 17 estafadores e investigan outros 17. Entre as provincias implicadas tamén destacan Xirona, con 11 investigados, Málaga, Tarragona e Lleida, con oito investigados en cada unha.
Os delincuentes suplantaban o número de teléfono das entidades bancarias para acceder ás contas dos usuarios
Os delincuentes suplantaban o número de teléfono dunha entidade bancaria concreta, desde o que enviaban mensaxes a clientes e posteriormente realizaban chamadas telefónicas e facíanse pasar por empregados do banco ao obxecto de acceder á conta bancaria dos prexudicados para despois realizar compras e transferencias de diñeiro sen o seu consentimento.
Accedían ás contas das vítimas a través de dous pasos. No primeiro, os afectados recibían unha mensaxe cunha ligazón falsa que suplantaba a páxina web da súa entidade bancaria. As vítimas accedían a esta ligazón, que realmente daba entrada a unha web fraudulenta.
Como segundo paso, tras pasar un tempo prudencial, as vítimas que accederan á ligazón fraudulenta recibían unha chamada telefónica desde un número de teléfono modificado que facía pensar que pertencía á entidade bancaria. O interlocutor facíase pasar por un empregado da entidade e, tras conquistar a confianza da vítima coa escusa de solucionarlle os problemas de seguridade que lle facían crer que tiña, solicitáballe os códigos de verificación necesarios para realizar transferencias e consumaban a estafa.
Só na provincia de Málaga foron estafados preto de 1,2 millóns de euros ás vítimas
Este método provocou a subtracción de case 1,2 millóns de euros a polo menos 323 vítimas só na provincia de Málaga. O grupo posuía unha estrutura con persoas con diferentes labores, desde as mulas encargadas de recibir as primeiras transferencias das vítimas mediante creación de contas bancarias, ata os membros encargados de captar colaboradores, xestionar as comisións e organizar o movemento do diñeiro estafado ata conseguir branquealo.
O diñeiro usurpado terminaba en contas no estranxeiro ou investido en criptoactivos. En total, analizáronse 472 contas bancarias e 708 liñas telefónicas, na súa gran maioría liñas dadas de alta con datos falsos ou con identidades usurpadas.