Un coche acaba esnafrado nun comercio en Vigo

Un aparatoso accidente provocou a alarma no centro de Vigo. Segundo testemuñas presenciais, o coche estaba aparcado na beirarrúa de enfronte sen o freo de man.

Nun determinado momento o vehículo atravesou toda a rúa e chegou ata o comercio, bateu contra a cristaleira, rebentouna e acabou encaixado literalmente no establecemento.

Afortunadamente non se rexistraron feridos porque nese instante non pasaba ninguén por diante do local. Foi unha sorte, xa que esa zona do centro de Vigo é moi concorrida, sobre todo polas mañás.  Policía Local investiga este suceso, que quedou nun susto.