Un condutor que cuadriplica a taxa de alcolemia esnáfrase contra a terraza dun bar de Lugo
Un condutor que cuadriplica a taxa de alcolemia esnáfrase contra a terraza dun bar de Lugo
Ao ser noite e non haber clientes sentados no establecemento, só se produciron danos materiais
Circulaba pola rúa da Milagrosa, en Lugo, perdeu o control do vehículo e acabou esnafrándose contra a terraza dun bar. Cando chegou a Policía Local, os axentes comprobaron que o condutor presentaba síntomas de embriaguez, e de feito na proba de alcoholemia deu unha taxa de 0,91 miligramos, case catro veces máis do máximo permitido.
Por fortuna, só houbo danos materiais. Era de noite, non había clientes sentados e os veciños apenas se decataron.
A Policía Local inmobilizou o vehículo e imputoulle ao condutor un delito contra a seguridade viaria.
Por se fose pouco, o home colleu a folla de denuncia e tirouna ao chan, polo que tamén foi denunciado por infrinxir a ordenanza de protección medioambiental.
