Un ferido nunha liorta multitudinaria na Travesía de Vigo
Un ferido nunha liorta multitudinaria na Travesía de Vigo
O enfrontamento causou a rotura dun escaparate nun local comercial
Polo menos un ferido nunha liorta multitudinaria onte ao serán na Travesía de Vigo. Un amplo dispositivo da Policía Nacional e da local despregouse na zona dos edificios de Fenosa para controlar os altercados.
Todo comezou arredor das nove da noite, supostamente a raíz dunha discusión polos danos que uns nenos fixeran nun vehículo, segundo relataron algunhas testemuñas.
Detrás da liorta está o enfrontamento entre dúas familias da zona. Segundo fontes policiais, na pelexa empregaron obxectos contundentes como ferramentas ou o amortecedor dun coche.
O enfrontamento causou a rotura dun escaparate nun local comercial, pero a cousa non pasou de aí e a situación quedaba baixo control antes das dez da noite.
Non hai detidos e ninguén presentou denuncia.
