Un home de 47 anos falece nun accidente de tráfico en Pantón

Un home de 47 anos, coas iniciais M. A. G., morreu a pasada noite nunha colisión entre dous vehículos no concello de Pantón. Outras dúas persoas, unha muller de 45 e un menor, foron trasladadas a un centro hospitalario.

Segundo informa o 112, o accidente produciuse no corredor GC-2.1, á altura de Santalla de Toiriz. Os Bombeiros de Monforte de Lemos tiveron que intervir para liberar os dous condutores que quedaran atrapados e inconscientes dentro dos coches.

Tamén interviron no operativo o 061, a Garda Civil de Tráfico, os equipos de limpeza e mantemento da Axencia Galega de Infraestruturas e membros de Protección Civil do Saviñao.