Un home quedou ferido grave nun accidente de tractor

Un home de 69 anos quedou ferido grave nun accidente de tractor en Boiro. A vítima regresaba á súa casa no motocultor cando sufriu o sinistro. Houbo que derrubar o peche dunha vivenda para conseguir liberar o condutor, que quedara atrapado entre o tractor e o valo.

Liberárono os bombeiros de Boiro, e os equipos de emerxencias evacuárono a un centro sanitario. Nun primeiro momento foi trasladado ao Hospital do Barbanza, pero agora atópase na Unidade de Críticos do CHUS, en Santiago.