Un informe de Rede Eléctrica será clave para determinar o futuro da térmica da Pontes

Os distintos escenarios en relación ao futuro da central térmica das Pontes, incluído que se manteña operativa, parecen manterse abertos nun contexto marcado pola guerra de Ucraína e a posibilidade dun corte total da subministración de gas ruso.  

Fontes do Goberno consultadas por Europa Press indicaron que o Executivo traballa na elaboración do plan de contixencia que a Comisión Europea require aos estados membros para afrontar un posible corte total da subministración de gas ruso. Neste contexto, solicitou un informe específico a Rede Eléctrica, como operador do sistema eléctrico, que podería resultar determinante para o seu futuro.

Representantes de Endesa e do Ministerio para a Transición mantiveron este martes un encontro, do que non transcenderon conclusións pechadas. Tanto o alcalde das Pontes, Valentín González Formoso, como o vicepresidente económico, Francisco Conde, reiteraron a importancia de "manter operativa" a térmica para non fialo todo ao gas natural como enerxía de apoio