Un mozo bate contra o cristal dun autobús en Boiro tras preguntar por unha parada

Os viaxeiros dun autobús que ía cara a Ribeira levaron un bo susto a mañá deste domingo en Boiro. Un mozo achegouse ao condutor para preguntarlle por unha parada e este indicoulle que non estaba no percorrido do autocar.

A resposta do mozo foi inmediata. Bateu na xanela do condutor ata que a esnaquizou. Despois bateu cunha barra metálica no parabrisas. Varios viaxeiros gravaron o momento e o mozo xa foi identificado pola Garda Civil.