A emigración galega en Guinea centra un novo museo ourensán
A emigración galega en Guinea centra un novo museo ourensán
Está no concello de Quintela de Leirado, onde o 70% da poboación emigrou á antiga colonia española
A historia que recolle este museo empeza en 1896, o ano en que chegou a Guinea o primeiro habitante de Quintela de Leirado, Eloy Estrada.
"Partiu a emigración forte entre 1940 e 1970. Nesa época, practicamente o 70% da poboación de Quintela estivo emigrada en Guinea", explica José Antonio Pérez Cortés, alcalde de Quintela, que tamén emigrou a Guinea.
A través de paneis, fotografías, obxectos e, o máis importante, a memoria dos que alí emigraron, recolle preto dun século de historia, ata a independencia en 1968.
"Cando lle deron a independencia viñemos todos. A compañía díxonos que viñeramos", sinala un veciño.
É un museo que aviva as emocións daqueles que marcharon da Galicia rural dos anos 50 á África tropical.
"Un mundo completamente distinto. Para min era un paraíso", comenta outro.
Uns foron mecánicos, outros traballaron no comercio, na administración... pero a maioría ían para explotar as grandes plantacións de cacao e café.
O museo, financiado pola Deputación, nace coa vocación de rescatar do esquecemento unha das facetas da emigración máis descoñecidas do noso país.
