Un raio estraga o campanario dunha igrexa de Abegondo

Visiblemente danado quedou o campanario da igrexa de San Martiño de Orto, en Abegondo, do ano 1617, onde impactou o raio.

Porén o diácono, o alcalde e mais os técnicos din que a sorpresa a levaron cando accederon ao interior. A instalación eléctrica quedou totalmente queimada. Pero, por sorte, nin o altar nin as imaxes quedaron afectadas.

A forte treboada deixou tamén danos en vivendas e o susto entre os veciños.

Agora o templo, onde esta fin de semana se ían celebrar as festas de Santa Margarida, permanece precintado para evitar incidencias.