Un barco de recreo con dez persoas a bordo choca contra unha batea en Raxó
Un barco de recreo con dez persoas a bordo choca contra unha batea en Raxó
Atribúen o accidente á espesa néboa que neses momentos cubría a ría
Proseguiron a súa navegación escoltados pola patrulleira da Garda Civil ata o porto de Portonovo, de onde partiran
Unha embarcación recreativa con dez persoas a bordo chocou onte á noite contra unha batea na zona de Raxó, na ría de Pontevedra, sen xerar danos persoais, segundo informa este venres a Garda Civil.
A tripulación lanzou unha chamada de socorro cara ás 23:00 horas desde a zona do polígono mexilloeiro de Raxó, no municipio pontevedrés de Poio.
Axentes da Garda Civil a bordo dunha patrulleira acudiron á zona e comprobaron o accidente, atribuído á espesa néboa que neses momentos cubría a ría.
Os dez tripulantes resultaron ilesos, xa que a embarcación tivo danos de pouca consideración, polo que proseguiron a súa navegación escoltados pola patrulleira da Garda Civil ata o porto de Portonovo, de onde partiran.
