Unha enquisa de Sondaxe dálle unha vantaxe de seis puntos ao PP sobre o PSOE
Unha enquisa de Sondaxe dálle unha vantaxe de seis puntos ao PP sobre o PSOE
Feijóo superaría o 32 % dos votos, mentres que Sánchez lograría o 26 %
Sumar, conforme o estudo para La Voz de Galicia, só mellora en cinco décimas o resultado de Unidas Podemos en 2019
Outra enquisa de Sociométrica para El Español prognostica unha vitoria de Feijóo que precisaría dun pacto con Vox para chegar á Moncloa
Enquisa de Sondaxe para La Voz de Galicia
Quedan cinco semanas para a cita coas urnas e o panorama que debuxan as últimas enquisas publicadas apuntan a unha vitoria do Partido Popular neses comicios xerais.
A de Sondaxe que este domingo publica La Voz de Galicia cifra a vantaxe dos populares en seis puntos: Feijóo superaría o 32% dos apoios, mentres que Sánchez baixaría ata o 26%.
Vox e Sumar, segundo esta enquisa, colleitan un apoio do 13%.
Tamén publica unha enquisa de Sociométrica o xornal El Español. Debuxa tamén unha vitoria de Feijóo, que precisaría dun pacto con Vox para chegar á Moncloa.
Aos populares atribúelle 135 escanos, mentres que os socialistas non pasarían de 94, Vox sería a terceira forza con 46 deputados e Sumar quedaría con 34.
Os datos indican que o PP rendibiliza a súa vitoria nas eleccións municipais e autonómicas do 28 de maio.
Enquisa de Sociométrica para El Español
