Unha familia salva a vida tras caerlle unha árbore enriba do coche en Gondomar

Unha familia de Gondomar, pai, nai e fillo de cinco anos, salvaron a vida de milagre cando ían no seu coche pola avenida do Conde, en Gondomar. Unha árbore de seis metros de alto por un de diámetro caeulles enriba.

O golpe causoulle unhas rascadelas ao pequeno e esmagou a parte traseira do habitáculo. Ao parecer, a base estaba completamente podre e provocou a caída. O servizo de xardinería do concello xa podara totalmente a árbore para que o vento non a tirara.