Unha muller a súa neta, feridas ao caer co coche por un desnivel no acceso á escola de Ferreira de Pantón

Unha muller e a súa neta quedaron feridas nun accidente rexistrado en Ferreira de Pantón. O coche en que ían as dúas caeu por un desnivel ao patio do colexio, ao que se dirixían.

Ao parecer, sucedeu cando a condutora trataba de estacionar o vehículo na rampla de acceso ao centro educativo, para que a menor entrara á clase. Durante esa manobra, perdeu o control do vehículo, que acabou por romper o valado e caeu ao patio dende unha altura de 2 metros.

No momento do accidente, había numerosos escolares e familiares na zona, pero, por sorte, o coche non bateu contra ninguén e as únicas feridas foron as ocupantes do coche sinistrado. Ambas foron trasladadas ao centro médico.