Unha muller fai 105 anos de idade en Verea, no concello de Bande

Cando Leonor Devesa naceu en Verea aínda non rematara a primeira guerra mundial. Hoxe fixo os 105 anos de idade na residencia de Bande, onde reside logo dunha vida de traballo no campo, no coidado de menores e na recadación. Malia a súa avanzada idade, goza dunha saúde óptima e tan só ten a mobilidade algo reducida.

Leonor tivo unha filla e dúas netas, que acoden pasar tempo con ela sempre que poden. É moi querida por compañeiros e coidadores, que din que o seu bo humor é a clave da lonxevidade. 

Compañeiros e traballadores da residencia quixeron felicitala no seu 105 aniversario.