Unha muller morta e trece feridos ao envorcar un camión sobre un autobús en Murcia
Unha muller morta e trece feridos ao envorcar un camión sobre un autobús en Murcia
Polo de agora descoñécense as causas do accidente
Unha muller faleceu e 13 persoas quedaron feridas de diversa consideración este luns nun accidente de tráfico ocorrido na localidade murciana de Lorca.
O sinistro produciuse ao chocar e envorcar un camión sobre un autocar de traballadores.
Doce dos feridos foron trasladados ao hospital Rafael Méndez de Lorca e un ao Virxe da Arrixaca de Murcia.
O accidente tivo lugar ás 12:35 horas na estrada de Lorca a Pulpí, no tramo da saída da ponte As Escarihuelas, punto en que envorcou o camión, cargado de plásticos, sobre o autobús.
O autobús, con 17 pasaxeiros e o condutor, dirixíase cara a Lorca con traballadores da empresa Agropulpí e o camión circulaba en dirección á localidade almeriense de Pulpí.
As causas do accidente están a ser investigadas agora polo destacamento da Garda Civil de Tráfico.
Ata o lugar do suceso desprazáronse bombeiros, seis ambulancias, Garda Civil, persoal do servizo municipal de Emerxencias, de mantemento de estradas e un inspector de seguridade e saúde laboral.
O persoal sanitario estabilizou aos feridos que foron liberados polos bombeiros.
