Policía e Garda Civil frustan un intento de enfrontamento armado en Teo
Policía e Garda Civil frustan un intento de enfrontamento armado en Teo
Catro persoas foron detidas cando se dirixían á casa doutra coa suposta intención de matala
Outras oito persoas supostamente relacionadas co caso foron identificadas
Ian armados con paus, bates de béisbol e machetes, e, supostamente, saíron dende o barrio de Fontiñas en Santiago para matar unha persoa na parroquia de Calo, en Teo.
Para o seu propósito pedíronlle axuda a outro grupo de Lugo, que tamén viña armado.
Pero unha persoa próxima á suposta vítima pediu socorro á policía local de Teo antes de que a cousa fose a maiores.
Nun amplo operativo en que tamén participaron a Policía Nacional e a Garda Civil detiveron aos supostos agresores preto da carballeira de San Martiño, en Teo.
Hai catro arrestados e oito persoas máis que foron identificadas.
Polo momento descoñécense os delitos que se lles atribúen.
A orixe do enfrontamento foi supostamente un desacordo nunha operación de compra-venda.
