Unha sentenza abre a porta a que os interinos poidan consolidar a súa categoría

O Tribunal de Xustiza da Unión Europea abre a porta a que os interinos consoliden o seu posto ao convertérense en funcionarios de carreira.

Ata agora a un traballador que sacaba unha praza non se lle tiñan en conta os servizos prestados como interino para consolidar o posto. O Tribunal Europeo di que esa norma é ilegal.

A sentenza refírese ao caso dun veterinario que traballaba como funcionario para a Xunta de Castela e León. Como interino tiña o grao 24 e, cando aprobou a oposición, pasárono ao nivel 22.