Unha vaca de Taboada chega ao seu sexto parto con 90 litros de leite diarios
Unha vaca de Taboada chega ao seu sexto parto con 90 litros de leite diarios
O animal duplica a media de produción e lonxevidade das frisoas
Non será sacrificada e queren que desfrute da xubilación
Cando, hai un ano, esta vaca remataba a lactación do seu quinto parto e xa con oito anos de idade todo apuntaba a que pouca vida podía quedarlle.
Porén, esta mesma semana volveu dar a luz e, como testemuñan os seus ubres, xa está en niveis por riba da media e agárdase que nunhas semanas volva acadar os 90 litros de hai un ano.
A cría que naceu esta mesma semana tamén apunta boas maneiras e confíase en que chegue a producir cantidades similares ás da súa nai.
Este é o sexto parto da vaca en algo máis de nove anos cando o normal é que a vida útil sexa de tres partos e cinco anos.
Por iso, a vaca non vai ser sacrificada cando deixe de producir e mesmo pensan en homenaxeala.
Ao final da súa vida, esta vaca terá producido máis de 140.000 litros de leite que, tirando polo baixo, supoñen arredor de 50.000 euros.
