Unha xuíza suspende cautelarmente a emisión do selo que conmemora o centenario do PCE
Atende á medida pedida pola asociación Avogados Cristiáns, que considera que supón a "exaltación dun partido político que cometeu crimes"
O timbre, previsto para a venda o luns, indignou a PP, Vox e Ciudadanos
Selo de Correos conmemorativo do centenario do Partido Comunista de España
A xuíza Carmen Casado, do Xulgado número 30 do Contencioso-Administrativo de Madrid atendeu unha petición da asociación Avogados Cristiáns para paralizar preventivamente a edición por parte de Correos dun selo conmemorativo dos 100 anos de existencia do Partido Comunista de España (1921-2021) e bloqueou preventivamente a súa venda, prevista para o vindeiro luns, así o confirmou Correos.
A emisión do timbre xa suscitou nos últimos días o rexeitamento do PP, Vox e Ciudadanos.
Correos confirma que recibiu a orde da xuíza e aseguran que a empresa pública xa prepara alegacións.
A asociación de Avogados Cristiáns entendía que a emisión do selo violaba “o deber de neutralidade das Administracións públicas, a Lei de memoria democrática e a resolución do Parlamento Europeo, que condena a exaltación do comunismo”, segundo sinalan na súa páxina web e en redes sociais.
Correos anunciou a emisión deste selo conmemorativo do Partido Comunista de España (PCE), que tería unha tirada de 135.000 exemplares e que custaría 0,75 euros a partir do próximo luns.
O PCE respondeu á medida nas súas redes sociais. “Unha xuíza que traballou para o Goberno de Rajoy suspende 'cautelarísimamente' a emisión do selo do centenario do PCE por unha denuncia dun chiringuito de extrema dereita”, apunta.
Una jueza que trabajó para el Gobierno Rajoy suspende "cautelarísimamente" la emisión del sello del #CentenarioPCE por una denuncia de un chiringuito de extrema derecha.
— Partido Comunista de España (@elpce) November 12, 2022
Que el PP bloquee el #CGPJ cada vez que pierde las elecciones no tiene nada que ver. ¿A qué no? ¡Circulen! pic.twitter.com/a0yhftnfJE
