Unhas obras inacabadas xeran humidades e danos en varios edificios de Lugo
Unhas obras inacabadas xeran humidades e danos en varios edificios de Lugo
Urxen o Concello de Lugo á execución subsidiaria das obras necesarias
As obras nun céntrico edificio da cidade de Lugo están a xerar polémica. Iniciáronse hai 25 anos e quedaron inacabadas, e dende entón non deixan de orixinarlles problemas aos veciños. Falta parte do tellado e fíltrase toda a auga cara abaixo. O segundo andar quedou inhabitable e, grazas a poñer plásticos, subsisten os do primeiro, pero entre fendas, goteiras e humidades.
O problema esténdese tamén aos dous edificios lindeiros. Fíltrase auga a través das paredes medianeiras e tanto as escaleiras como os cuartos están cheos de humidades.
Os veciños levan anos litigando, non só polos seus danos, senón polo perigo que supoñen estas obras para os viandantes, e xa se rexistraron diversos desprendementos.
As constantes reclamacións veciñais conseguiron a través do Valedor do Pobo que se impuxesen multas ao propietario e lograron tamén a execución subsidiaria das obras. Con todo, quéixanse que dende o Concello de Lugo seguen dilatando o proceso e urxen a execución dos arranxos necesarios pola seguridade de veciños e peóns.
