Vandalizan cunha pintada a igrexa de Castrelos en Vigo, de 800 anos de antigüidade
Vandalizan cunha pintada a igrexa de Castrelos en Vigo, de 800 anos de antigüidade
O atentado contra o patrimonio produciuse na parte exterior da sancristía, ao carón da ábsida
Pintada na Igrexa de Santa María de Castrelos en Vigo
Un ou varios descoñecidos vandalizaron o templo románico de Santa María de Castrelos cunha pintada realizada cun aerosol. O autor do graffiti pintou, con grandes letras, o nome de Damián no muro exterior da sancristía, un elemento situado ao lado da ábsida.
A igrexa pertenceu á Encomenda de Beade (Ourense) da orde militar de San Xoán de Malta. A cruz pódese ver en distintas partes do templo.
O autor do acto vandálico, en caso de que o identifiquen, exponse a unha pena de seis meses a tres anos ou unha multa de 12 a 24 meses, como establece a lei do patrimonio cultural para os que causen danos en bens de valor históricos, artístico, científico, cultural ou monumental, ou en xacementos arqueolóxicos, terrestres ou subactuáticos.
Os traballos de restauración e a eliminación da pintura teraos que asumir o bispado, xa que se trata dunha propiedade da Igrexa.
