Veciños dos Mallos protestan contra un suposto narcopiso

Propietarios dun edificio situado na rúa Vizcaya da Coruña, no barrio dos Mallos, manteñen desde hai anos un conflito cos veciños dunha das vivendas, tamén propietarios.

A situación descríbea a presidenta da comunidade. Asegura que a diario teñen que soportar un continuo ir e vir de persoas entrando e saíndo; chamadas, golpes e ruídos polas noites amais de estragos no portal.

Denunciaron unha das vivendas como un suposto narcopiso.

O caso está xudicializado. En novembro un auto do xuíz daba orde aos denunciados do cesamento da actividade mercantil e prohibía o acceso ao edificio de quen non estivera autorizado pola presidencia da comunidade. 

Aos problemas de inseguridade engaden sentirse abandonados polas administracións.

Fartos e indignados saíron á rúa nunha cacharrada de protesta. Queren facer oír a súa voz, que reclama unha solución.