Ver xabarís paseando polas noites en Ourense é xa un feito cotián

Os xabarís seguen movéndose libremente pola cidade de Ourense.

Nun vídeo gravado no barrio do Vinteún nas últimas horas vese catro exemplares atravesando a avenida de Santiago, que durante o día é unha das máis concorridas da cidade.

Chegan ata alí, aparentemente, desde a zona de Covadonga, onde está previsto instalar gaiolas pola proliferación de xabarís. Tamén os viron no barrio do Couto e mesmo no céntrico parque de San Lázaro.