Vicky Vázquez é oficialmente a adestradora de As Celtas
Vicky Vázquez é oficialmente a adestradora de As Celtas
É a actual adestradora da base do club vigués e seleccionadora galega de categorías inferiores
O Celta confirmou este mércores o que xa era un secreto a voces: a adestradora de As Celtas, o equipo feminino do cadro vigués que militará en Terceira Federación, será a ex-xogadora Vicky Vázquez, actual adestradora da base do club vigués e seleccionadora galega de categorías inferiores.
O director de fútbol do club, Marco Garcés, avanzaba este martes que apostarían pola "promoción interna" sen confirmar aínda o seu nome.
"Vicky Vázquez xa está aquí. Estamos encantadas de anunciar que a adestradora viguesa liderará ao corpo técnico de As Celtas. Benvida, Vicky! Xa é unha dás nosas", pódese ler nas redes do equipo.
Vázquez comezou a xogar ao fútbol sala con cinco ou seis anos e un par máis tarde, recalou en Balaídos, onde xogou ata pasar á Oliveira, club onde militou entre os anos 2002 e 2016, chegando a debutar na máxima categoría.
Despois, seguiu a súa carreira no Sárdoma. Paralelamente, contaba á Voz no 2022, foi introducíndose como adestradora.
𝐕𝐈𝐂𝐊𝐘 𝐕𝐀́𝐙𝐐𝐔𝐄𝐙 𝐗𝐀 𝐄𝐒𝐓𝐀 𝐀𝐐𝐔𝐈́
— As Celtas (@AsCeltas) May 30, 2024
Estamos encantadas de anunciar que a adestradora viguesa liderará ao corpo técnico de As Celtas.
Benvida, Vicky! Xa es unha das nosas ✊🏻🩵 pic.twitter.com/tyLa2dbnFa
