Vilagarcía recupera a tradición de adiantar as badaladas de Noitevella

Con 12 horas de adianto, en Vilagarcía de Arousa xa recibiron o 2023. Centos de persoas concentráronse na praza do Concello para darlle a benvida por adiantado ao novo ano.

Facía dous anos que a Festa da Toma das Uvas non se celebraba polas restricións da pandemia, así que había gañas de recuperar esta tradición que comezou en 1998.

Para celebralo, repartíronse 350 quilos de uvas e máis de 300 botellas de cava. Con todo o necesario para brindar, en Vilagarcía xa pediron os primeiros desexos para o 2023.