Vivenda e mais vivenda, por Venancio Salcines

Mentres non mude a lei de vivenda, se queremos avanzar no que é un dos maiores problemas de España, a vivenda, soamente temos un camiño, construción de vivenda pública. Non solucionará o problema pero servirá como un doce analxésico. O presidente Rueda quere triplicar os fondos, pasando de 45 millóns a 126, a maiores intenta acompañar a medida con reducións de prazos para a vivenda protexida.

Está ben, moi ben, pero teriamos que intentar que esas reducións fosen para todo tipo de vivenda. Europa xa empeza a ter conciencia de que leva enriba unha burocracia lenta e pesada que lastra máis que reforza. Cara a reforzar o incremento de vivenda facilitará a conversión dos locais comerciais en vivendas. O obxectivo é ter terminadas, nesta lexislatura, 4.000 vivendas públicas.

Outras medidas, presentadas polo presidente Rueda no debate orzamentario, son, entre outras, unha rebaixa orzamentaria, nos parentes colaterais, de tal modo, que deixará exentos os primeiros 25.000 euros. Con todo, o que determina este debate son as medidas en vivenda, aí parecerá que estará parte do pulo desta lexislatura.