Xa se poden obter os abonos gratuítos de Renfe para o segundo cuadrimestre
Xa se poden obter os abonos gratuítos de Renfe para o segundo cuadrimestre
É necesario depositar unha fianza de 20 € para o servizo de media distancia e de 10 € para o de proximidade, que serán devoltos ao finalizar o período se o viaxeiro realizou polo menos 16 viaxes
Tren MD de Renfe
Renfe pon á venda desde este luns os abonos gratuítos de proximidade e media distancia para viaxar o próximo cuadrimestre, entre o 1 de maio e o 31 de agosto.
Para adquirir o abono, aínda que é gratuíto, é preciso depositar unha fianza de 10 euros no caso de proximidade e de 20 euros para cada servizo de media distancia convencional, que será devolta ao finalizar o período se o viaxeiro fixo polo menos 16 desprazamentos nos catro meses.
Segundo informou a compañía pública este luns nun comunicado, a adquisición dos abonos é posible a través da web de Renfe nesta ligazón no caso dos abonos de media distancia e Avant ou a través da App de Renfe no caso dos abonos de proximidade.
Para os servizos ferroviarios de Avant prorrógase o desconto do 50 %, a mesma rebaixa que se aplica a outros traxectos de alta velocidade que foron declarados Obrigación de Servizo Público (OSP).
