Xosé Ramón Gayoso, galardoado nos Premios da Cultura Galega 2022

O xurado dos Premios da Cultura Galega 2022 reuniuse hoxe en Santiago de Compostela para outorgar os recoñecementos desta edición, acollida na Cidade da Cultura de Galicia. O acto estivo presidido polo conselleiro de Cultura Román Rodríguez.

A listaxe con todos os distinguidos e distinguidas co galardón:

• Letras: Marica Campo

• Artes Visuais: María Victoria Carballo-Calero

• Artes Escénicas: Melania Cruz

• Música: Cursos Universitarios Internacionais Música en Compostela

• Audiovisual: Xosé Ramón Gayoso

• Lingua: Manuel González

• Patrimonio Cultural: Xacarandaina

• Proxección Exterior: Programa ConCiencia

Con estes galardóns, a Xunta de Galicia busca dar recoñecemento á "excelencia creativa, a capacidade de intercambio, a experimentación e a proxección do panorama cultural" do país. Tamén pon valora "o compromiso de proxectos, traxectorias e iniciativas que enriquecen a realidade e identidade cultural de Galicia".

O xurado

Do xurado tamén formaron parte o director xeral de Cultura, Anxo M. Lorenzo; a secretaria xeral de Igualdade, Susana López Abella; a comisaria do Xacobeo 21-22, Cecilia Pereira; o reitor da Universidade de Santiago, Antonio López; a presidenta do Consello da Cultura Galega, Rosario Álvarez; o presidente da Real Academia Galega de Belas Artes, Manuel Quintana Martelo, así como profesionais da cultura de Galicia de recoñecido prestixio como Zaza Ceballos, produtora audiovisual e galardoada nos Premios da Cultura Galega 2021; Elena Pardo, directora da Escola de Arte e Superior de Deseño Pablo Picasso, e Xosé Eduardo López-Pereira, presidente da Fundación Otero Pedrayo.