Detidos dous axentes do CNI por filtraren información reservada
Detidos dous axentes do CNI por filtraren información reservada
Un xulgado de Madrid abriu unha causa contra eles por unha suposta revelación de informes clasificados aos Estados Unidos
Dous axentes do Centro Nacional de Intelixencia foron detidos por unha suposta revelación de segredos. Un xulgado de Madrid investiga a causa contra os dous axentes por presuntamente filtraren información clasificada aos Estados Unidos.
Segundo algunhas fontes un deles xa podería estar en prisión. A ministra de Defensa Margarita Robles confirmou a existencia deste procedemento, que se encontra baixo segredo.
"Hai un procedemento xudicial. É un procedemento xudicial duns feitos que o propio CNI denunciou, e ese procedemento xudicial é secreto e polo tanto non podo dicir máis nada", confirma a ministra de Defensa Margarita Robles.
