Hospitalizadas tres persoas tras inhalar fume nun incendio en Cambre

Unha muller e dous gardas civís tiveron que ser evacuados a un centro hospitalario tras inhalaren fume no incendio dunha vivenda en Cambre, na parroquia de Amorne.

Os axentes tiraron a porta abaixo para sacar a muller, que berraba pedindo auxilio. O lume declarouse na noite do venres na cociña da casa, situada no baixo dun edificio da rúa da Constitución.

A veciñanza quedou confinada ata que os bombeiros de Arteixo lograron sufocar o lume. As lapas provocaron importantes danos materiais na estancia.