En liberdade o fillo de Conde-Pumpido tras ser detido por unha agresión sexual
En liberdade o fillo de Conde-Pumpido tras ser detido por unha agresión sexual
A vítima denunciou os feitos a noite do venres, ao saír do domicilio do avogado
A Policía Nacional detivo en Madrid a Cándido Conde-Pumpido, coñecido avogado e fillo do presidente do Tribunal Constitucional por unha presunta agresión sexual cometida xunto con outros dous homes, que tamén foron arrestados.
Este domingo, o xulgado de Instrución número 44 de Madrid puxo en liberdade, sen medidas cautelares, ao avogado e aos outros dous implicados. Pola súa parte, Fiscalía pediu unha orde de afastamento, que non foi concedida, por presunto delito de agresión sexual, aínda que non solicitou a prisión, xa que a vítima non presentaba lesións.
A detención tivo lugar o venres pasado e este sábado os tres detidos foron postos ante a autoridade xudicial. Conde-Pumpido contactou o venres á noite coa vítima para que acudise á súa casa, na que estaban tamén os outros dous homes.
Ao saír do domicilio, a muller denunciou que sufrira unha agresión sexual por parte do avogado e dos seus acompañantes.