Roni Herrán dálle continuidade ao oficio de ferreira

A forxa, coma tantos outros oficios artesáns, estivo a piques de desaparecer varrido pola produción industrial. Pero a paixón de artistas coma Roni Herrán axuda a que perdure e se renove.

Na súa fragua, amais de atender demandas de sectores como a construción, dálles forma ás súas propias creacións. Tras estes sete anos de traballo na fragua, o seu obxectivo é seguir mellorando a súa destreza.

Aínda que non renuncia a seguirse expresando tamén a través doutros materiais, sabe que o traballo co ferro vai ser o principal e, nesa liña, aspira a consolidar a súa propia marca comercial de creacións de forxa.