Xuntanza entre Medio Rural e representantes da distribución alimentaria

Xuntanza entre a Consellería do Medio Rural e os representantes da distribución alimentaria en Galicia. É a última das reunións relacionadas cos diferentes selos de valor do sector leiteiro galego.

O titular de Medio Rural, José González, afirmou que o obxectivo é darlle estabilidade ao prezo do leite e que tanto os produtores como a industria e as cadeas de distribución obteñan rendibilidade.

 "Nós o que queremos é ir da man da cadea de valor do sector leiteiro, os gandeiros, a industria e a distribución. Queremos que haxa un bo prezo para os consumidores, pero ao mesmo tempo que ese prezo sexa suficiente para que todos os selos da cadea de valor teñan rendibilidade", afirma José González, conselleiro do Medio Rural.