Vinte anos convivindo coa velutina, asentada xa en todo o territorio

Chegou para quedar hai xa vinte anos. A velutina entrou en Europa por Francia, presumiblemente en barcos procedentes da China, e pouco a pouco foi gañando terreo sen que ninguén puidese facerlle fronte.

Os apicultores foron nun principio os máis afectados, pero din que hoxe é xa un problema para moitos sectores. E cada vez máis, nas zonas urbanas.

Os apicultores insisten en que é un problema de toda a sociedade.

Por iso ven urxente investigar novas estratexias preventivas.

Reclaman ademais unha maior implicación das administracións e tamén a colaboración cidadá para a colocación masiva de trampas para loitar contra esta especie invasora.