A avoa de Desirée di que a súa filla negou que a matara, pero que estaba "medio somnámbula"

A avoa materna de Desirée Leal relatou na reanudación do xuízo polo crime da pequena de 7 anos, que o día en que a menor apareceu sen vida lle dixo á súa filla: "Mataches a Desi"?, ao que ela lle contestou: "Mamá, eu non fun".

Na vista oral que acolle a Audiencia Provincial de Lugo, a avoa contoulle á fiscala que o 3 de maio de 2019 atopou a "nena na cama e inconsciente", e a súa filla, Ana Sandamil, nun estado que cualificou de "descentrada", mesmo como se estivese "somnámbula".

A avoa indicou tamén que ela estaba noutra habitación en pixama, e que en canto foi avisada, apresurouse a chamar ao 061 e a vestirse, para poñer un pantalón, unha camiseta e un abrigo.

A súa filla estaba tamén en pixama pero non lembra que houbera sangue nel, e cando chegou a ambulancia, xa tiña outra roupa diferente que non era a de durmir.

Confirmou que a súa filla inxeriu pastillas para suicidarse e que fixo que vomitase ata en tres ocasións. Ela mesmo tentou reanimar a súa neta e, tamén asegurou, que non viu sangue na súa boca, nin debaixo da barbilla.

Por último confirmou que nin ela nin a súa filla limparon nada na vivenda.