A catedral de Santiago substitúe toneladas de formigón por madeira
A catedral de Santiago substitúe toneladas de formigón por madeira
O formigón empregarase en intervencións anteriores pouco respectuosas co patrimonio construtivo
As obras, entre elas a restauración do baldaquino, foron posibles grazas á colaboración entre a Xunta e a Fundación Catedral de Santiago
A rehabilitación da Catedral de Santiago segue avanzando, e do modo máis respectuoso posible co patrimonio construtivo orixinal.
As obras supuxeron xa a retirada de toneladas de formigón, produto de intervencións anteriores e que agora se substitúen por madeira. Coa preponderancia da pedra tan impactante quizais moitos non reparen na importancia da maderia como elemento construtivo da Catedral de Santiago.
A madeira está baixo as cubertas, nas fiestras, as escaleiras, os mobiliarios, os retablos... E tamén no baldaquino que acaparou a atención dos medios de comunicación porque foi rehabilitado con madeira de castiñeiro galego, de 5 séculos de antigüidade. Unha intervención complexa e rápida que contou co asesoramento do Cis-Madeira.
Cubertas, vigas, chans, escaleiras, ventás, capelas, usan a madeira galega como material e o I+D galegos como garantía, grazas ao convenio que asinaron en 2018 a Xunta e a Fundación Catedral de Santiago.
