A folga do lixo na Coruña deixa unha nova noite tensa con 16 colectores queimados
A folga do lixo na Coruña deixa unha nova noite tensa con 16 colectores queimados
Os barrios máis afectados foron os de Labañou e Os Castros e as lapas alcanzaron un vehículo e varias fachadas
Este domingo remata o prazo que deu o Concello para chegar a un acordo cos sindicatos antes de decretar a emerxencia sanitaria
Continúan os actos vandálicos na Coruña, en plena folga do servizo de recollida do lixo, con numerosos colectores destruídos polo lume e o servizo de Bombeiros traballando para evitar males maiores.
Esta noite, cinco dotacións de bombeiros tiveron que se empregar a fondo para evitar que os 16 colectores que finalmente acabaron ardendo, en ata nove puntos diferentes da cidade, non prexudicara coches ou casas.
Aínda así, as lapas alcanzaron un vehículo e deixaron a súa pegada en varias fachadas. O barrio de Labañou e o dos Castros foron os máis afectados esta noite, despois de que o conflito se intensificara dende o pasado xoves.
A poucas horas da declaración de emerxencia sanitaria para este luns, avanzada pola alcaldesa herculina, semella que as posturas entre traballadores da limpeza e empresa concesionaria distan de alcanzar un acordo.
![Arderon colectores en nove puntos diferentes da cidade](https://img-g24-crtvg.flumotion.com/prog24/2024/20240721/ENGBRLIXOEVANDALISMO_frame_1985.png)