A Garda Civil corta o paso a un grupo de tractoristas en Oroso

A Garda Civil interceptou este venres 28 tractoristas no concello de Oroso.

O seu destino era seguir ata Santiago de Compostela para protestar contra as políticas europeas que afectan o sector primario. Unha acción reivindicativa para a que non solicitaran permiso ningún e que non contaba con autorización.

Despois dun tempo estacionados nunha pista de servizo na estrada N-550, acabaron volvendo á casa.

No marco deste operativo, varios furgóns da Policía Nacional custodiaban ademais a saída de Sigüeiro, en dirección Santiago, para impedir que os tractores se trasladasen á cidade.