A Xunta destina 600.000 euros a medidas de protección do gando

Pastores eléctricos, peches fixos con arame ou mallas electrificadas son algúns dos elementos que xa poden solicitar os gandeiros que teñan os seus animais soltos total ou parcialmente nas leiras.

A Consellería de Medio ambiente duplica este ano o investimento nese tipo de medidas destinadas á protecciòn do gando. En total son algo máis de 600.000 euros. E é que, segundo os expertos, a convivencia con lobos, osos e xabarís é algo ao que terán que afacerse os gandeiros.

Tamén hai axudas para a adquisición e mantemento de cans de garda das razas mastín español, mastín dos Pirineos e can de palleiro.

Uns animais que se fan indispensables para protexer os rabaños dos ataques do lobo, unha especie presente no 94% do territorio galego. O recomendable é que eses cans sexan adestrados dende que nacen para que sexan efectivos.

A concesión das subvencións estará en función do tamaño e tipo de explotación así como da zona en que se atope.