Abascal: "Non é un bo resultado para Vox, non é un bo resultado para España"
Abascal: "Non é un bo resultado para Vox, non é un bo resultado para España"
A súa formación logrou un 2,19 % dos votos e non entra no Parlamento de Galicia
O presidente de Vox Santiago Abascal recoñeceu este domingo que o resultado recollido pola súa formación nas eleccións galegas, un 2,19 % que non lles permite entrar no Parlamento de Galicia, non é "un bo resultado", á vez que lamentou o triunfo da "estafa política" que, denuncian, representa o PP.
Afirmou que a súa formación avanza e se converte na cuarta forza en Galicia, pero que "é verdade que non é un bo resultado para Vox", sinalou Abascal nunha breve valoración feita desde a sede nacional do partido, en Madrid, tras rematar o escrutinio.
Abascal agregou que o resultado tampouco é "bo" para España porque "gañou a estafa política", en alusión ao PP, ao que reprochou aplicar políticas "separatistas e esquerdistas" en Galicia. Tamén culpou os populares da mellora dos resultados do BNG.
