A campaña de libre marisqueo iníciase na ría de Arousa sen case ameixa
A campaña de libre marisqueo iníciase na ría de Arousa sen case ameixa
Os mariscadores regresaron cos capachos practicamente baleiros da tradicional zona de extracción dos Lombos do Ulla
Decepción no primeiro día da campaña de libre marisqueo na ría de Arousa. Logo de tempo pechado, volveu abrir a zona dos Lombos, especialmente rica en ameixa. Porén, mariscadores do Carril e Rianxo volveron completamente de baleiro.
Había expectación e expectativas. Non obstante, os primeiros que saíron á ameixa pronto volveron a porto, son mariscadores experimentados que pensan xa en cambiar de zona porque din "non hai nada, nin ameixa nin berberecho".
Os máis deles foron á zona dos Lombos da Ulla, coñecida como o "verxel" da ameixa. Hoxe non puideron encher o barco, din que "aínda que sabían que as condicións non eran óptimas tiñan a esperanza de poder coller algo que dera a talla comercial".
Reivindican que se actúe na zona con drenaxes, que eviten as riadas que se rexenere e que se semente.
Si cubriron as cotas na zona do Bohído, un lugar ao que no Carril se ven con toda probabilidade obrigados a desprazarse.
