Adxudicado 59 % dos fondos de recuperación asignados a España

O Goberno xa adxudicou máis da metade dos fondos europeos de recuperación asignados a España. Son máis de 42.000 millóns de euros. Con estes datos, o ministro de Economía confía en que dará tempo a usar todas as axudas antes de que remate o prazo fixado por Bruxelas.

Carlos Cuerpo explicou que "dos 79.000 millóns en transferencias que temos asignados xa convocamos máis de 72.000 millóns. E desas convocatorias xa se resolveron o 59 %. Estes datos de seguimento márcannos o bo ritmo de execución do Plan de Recuperación".