Alerta na Coruña polos novos roubos en coches estacionados

Coas catro rodas picadas e unha ventá rebentada, así apareceu unha furgoneta estacionada no barrio coruñés do Castrillón. Pero non é un caso illado.

Os roubos en vehículos estacionados son de baixo risco e cada vez máis frecuentes en varias zonas da cidade. No Castrillón, por exemplo, denuncian amais vandalismo e inseguridade.

Segundo datos do sindicato Unión Federal da Policía en Galicia, A Coruña é a cidade galega onde máis medrou a delincuencia durante o 2021. Así, desde a Delegación do Goberno informaron de que van aumentar, polo menos polas noites, as patrullas da Policía Nacional para intentar frear os roubos e a inseguridade que din que viven os cidadáns.